अशी असेल जिजाऊ सृष्टी ...
मराठा सेवा संघाने सिदखेडराजा येथे नवीन नागपूर -मुंबई एक्सप्रेस हायवेवर स्वत:च्या जागेत जिजाऊ धर्मपीठ व जिजाऊ मंदिर अशा सामूहिक ’जिजाऊ सृष्टी’चे निर्माण कार्य सुरू केले आहे. सिंदखेडराजा हे मध्ययुगीन भारताच्या इतिहासातील शिवसंस्कृतीचे आदिपीठ आहे. मध्ययुगीन कालखंडामध्ये राजमाता जिजाऊंचे कर्तृत्वामुळे अवघी शिवसंस्कृती एकसूत्रात बद्ध झाली होती. स्वाभाविकच शिवसंस्कृतीच्या या अर्वाचिन उगमस्थानाला म्हणजेच सिंदखेडराजाला एक आगळे ऐतिहासिक महत्त्व प्राप्त झालेले आहे. राजमाता, राष्ट्रमाता, जिजाऊंच्या जन्माचे वेळी ४५,००० लोकवस्तीच्या या शहरात त्या काळातील लखुजीराजाचा राजवाडा, रंगमहाल, सावकारवाडा, काळाकोट, लखुजी राजांची समाधी, पुतळा बारव, सजना बारव, गंगासागर, बाळसमुद्र या नावाच्या विहिरी, चांदणीतलाव, मोतीतलाव हे ऐतिहासिक जलसाठे बघण्याजोग्या वास्तू आहेत. त्यापैकी मोती तलावाच्या बाजूच्या पठारावर जिजाऊ सृष्टीची जागा निवडण्यात आली आहे. या पठार शिवारात राजमाता जिजाऊ घोडय़ावरून फेरफटका मारायच्या. त्या ठिकाणी युद्धकलेचे, राजकारणाचे शिक्षण घेत होत्या त्याच तीर्थावर आज साकारणार आहे जिजाऊ सृष्टी.जिजाऊ सृष्टी प्रकल्प हा देशाच्या स्वाभिमानाचा राष्ट्रीय प्रकल्प व्हावा, हे जगभरातील पर्यटकांच्या आकर्षणाचे केंद्र व्हावे, असा सर्वोच्च विचार यामागे आहे. त्यानुसार जिजाऊ सृष्टी हा विविध विषयांना सामावून घेणारा एकत्रित स्वरूप प्रकल्प व्हावा तो अद्यावत तीर्थक्षेत्र वा ज्ञानक्षेत्र व्हावे, ही संकल्पना आहे. जिजाऊ संग्रहालय, जिजाऊ ग्रंथालय, महिला रोजगार केंद्र, महिला मिलिटरी अ‍ॅकेडमी, संशोधन केंद्र, महिला विद्यापीठ अशा संस्थांची निर्मिती व्हावी, अशी योजना आहे. त्यात ध्यानमंदिर, संशोधन विभाग, प्रार्थनास्थळांची रचना करणे, विज्ञाननिष्ठ परंपरा वृध्दींगत करणारे मेळावे भरवणे, विश्वशांती व एकसंघतेसाठी विविध चर्चासत्राचे आयोजन, विविध विषयाचे प्रशिक्षण, कार्ड कॅम्पस, कमांडो फोर्स, ट्रेनिंग सेंटर यासारख्या विविध योजना, सर्व बहुजन समाज, विज्ञाननिष्ठ, कर्मनिष्ठ, कर्तव्यनिष्ठ बनवून संपूर्ण विश्वामध्ये मानवा-मानवा मध्ये समता, समानता, बंधुत्वाची आचारसरणी व विचारसरणी मांडणारा तयार व्हावा, अशी मांडणी व आखणी करणे, हा जिजाऊ सृष्टीचा मुख्य उद्देश आहे.भारताच्या सुमारे १०,००० वर्षांचा सांस्कृतिक इतिहास, जिजाऊ काळातील देशातील सर्व क्षेत्रातील स्थिती छत्रपती शिवाजी महाराजांच्या जीवनावरील महत्वाचे प्रसंग ते इ.स. २००५ पर्यंतची देशाची वाटचाल, बहुजन समाजातील सर्व समजासुधारक, संतांची शिकवण चित्ररूपाने, शिल्परूपाने, इलेक्ट्रॉनिक्स माध्यमाच्या सहाय्याने लिखीत स्वरूपात विविध प्रकारे चित्रीत केली जाईल.

JIJAU SRUSHTI,SINDKHEDRAJA-जिजाऊ सृष्टी,सिंदखेडराजा.12 JAN 2010.

जिजाऊ स्मारकाचे पहिल्या टप्प्यातील बांधकाम.JIJAU INTERNATIONAL MEMORIAL,JIJAU SRUSHTI,SINDKHEDRAJA.

जिजाऊ सृष्टीतील जिजाऊ स्मारकावरील रोषणाई .

जिजाऊला वंदन करताना शिवबा. SHIVAJI MAHARAJ STATUE AT JIJAU SRUSHTI.

जिजाऊ सृष्टी वरील स्मारकातील जिजाऊंची मूर्ती-JIJAU STATUE AT JIJAU SRUSHTI.

जिजाऊ सृष्टीवरील अतिभव्य सभागृहात प्रबोधनपर कार्यक्रम चालू असताना...

शिवधर्म ध्वज निळ्या आसमंतात फडकताना...

शिवधर्मपीठावरून मार्गदर्शन करताना शिवश्री पुरुषोत्तम खेडेकर,युवराज संभाजीराजे भोसले,वसंत पुरके,फौजिया खान व शिवधर्म संसद.

२४ सप्तेम्बर शिवधर्मपीठ स्थापनेचा नवा इतिहास

जगाच्या इतिहासात २४ सप्तेम्बर २००७ हा दिवस रत्नजडित सुवर्नाक्षरात लिहीला जाईल. १२ जानेवारी २००५ रोजी वैदिक ब्राम्हणी धर्माची कोळीष्टके,जळमट झाडून सुमारे १५ लाख लोकांनी शिवधर्माचं प्रकटन केलं. शिवधर्मदिक्षेपूर्वीची तयारी म्हनून शिवधर्मपीठाची २४ सप्तेम्बर २००७ ला जिजाऊसृष्टी सिंदखेडराजा (जि.बुलढाणा) महाराष्ट्र येथे विधिवत स्थापना करन्यात आली.

shivdharmapith

jai jiau ..

जिजाऊ सृष्टीवर पुस्तकांची विक्रमी विक्री

- मातृतीर्थ सिंदखेडराजा येथील जिजाऊ सृष्टीवर जिजाऊ जन्मोत्सवानिमित्त झालेल्या शिवधर्म दीक्षा सोहळ्यादरम्यान विक्रमी पुस्तकांची विक्री झाली. सुमारे १० लाख पुस्तकांचा खप झाला असून, त्यामध्ये आंबेडकरी साहित्याचा खप मोठ्या प्रमाणावर झाला आहे. .......मराठा सेवा संघाच्या वतीने सिंदखेडराजा येथील जिजाऊ सृष्टीवर शिवधर्म दीक्षा सोहळा साजरा करण्यात आला. यावेळी लाखो बहुजन बांधवांना शिवधर्माची दीक्षा देण्यात आली. यंदा पुस्तक विक्रेते मोठ्या संख्येने येथे आले होते. यावेळी सृष्टी परिसरात सुमारे १३० दुकाने लावण्यात आली होती. त्यामध्ये ७० दुकाने पुस्तकांची, १० दुकाने सीडी आणि कॅसेटची, सहा दुकाने छायाचित्र विक्रेत्यांची, चार दुकाने जिजाऊ मूर्ती, शिवाजी मूर्ती आणि फोटो फ्रेमची, चार दुकाने बचतगटांची, एक संगणक साहित्य विक्रीचे, ट्रॅक्‍टर, कॅलेंडर, खाद्यपदार्थ आदी दुकानांचा समावेश होता. जिजाऊ सृष्टीवर पुस्तक विक्रेत्यांचे स्टॉल सर्वांचे लक्ष वेधून घेत होते. ७० पुस्तकांच्या दुकानातून १० लाख पुस्तकांची विक्री झाली असून, त्यामध्ये ७० टक्के आंबेडकरी साहित्याचा समावेश होता. त्याचप्रमाणे शिवधर्म साहित्याची पुस्तकेही सर्वांचे आकर्षण ठरली होती. डॉ. आ. ह. साळुंखे, मा. म. देशमुख, प्रा. अशोक राणा, प्रा. जेमिनी कडू, पुरुषोत्तम खेडेकर आदी दिग्गज लेखकांच्या पुस्तकांना यंदा मोठी मागणी होती. सातारा येथील छोट्या पुस्तक स्टॉलचे संचालक चंद्रकांत मोरे म्हणाले की, जवळपास १० हजारांची पुस्तके यंदा विक्री झाली आहेत. येथे मोठ्या प्रमाणावर वाचक येत असल्याने, पुस्तकांची विक्रीही चांगली होते. वर्धा येथील बागडे बुक डेपोचे ईश्‍वर बागडे म्हणाले की, मोठ्या पुस्तक विक्रेत्यांची सुमारे ३० ते ४० हजार रुपयांची, तर छोट्या पुस्तक विक्रेत्यांची १० हजार रुपयांची पुस्तके विक्री झाली. त्यात आंबेडकरी साहित्याचा समावेश अधिक आहे. महाराष्ट्रातील नामवंत पुस्तक विक्रेत्यांनी येथे आपले स्टॉल लावले होते. पुण्याचे जिजाऊ प्रकाशन, शिवमाला विक्री केंद्र, परळी वैजनाथ येथील छत्रपती प्रकाशन, बुलडाण्याचे जिजाऊ पुस्तकालय, बीडचे सावंत बुक स्टॉल, वर्धेचे सुधीर प्रकाशन, बागडे बुक स्टॉल, वर्धा आदी नामवंत पुस्तक विक्रेत्यांनी यंदा हजेरी लावली होती. बहुजन व्याख्यात्यांची ऑडिओ सीडीचीही मोठ्या प्रमाणावर विक्री झाली. राष्ट्रमाता जिजाऊ, शिवाजी महाराज, डॉ. बाबासाहेब आंबेडकर, महात्मा फुले, अहिल्याबाई होळकर, सावित्रीबाई फुले, संत गाडगेबाबा, छत्रपती शाहू महाराज यांच्या मोठ्या छायाचित्रांना मोठी मागणी होती. यंदा पुस्तकांची विक्री मोठ्या प्रमाणावर झाल्याने, विक्रेत्यांची मात्र चांदी झाली.

tags-
shivdharma ,maratha seva sangh,sambhaji brigade,jijau brigade,jijau,jijamata.jijabai,shivaji,sambhaji,maratha,purushottam khedekar,dr.a.h.salunkhe,shivdharm